ပျော်စရာကြီးဆိုပြီး လက်လက်ထနေတဲ့ မိုနိုပိုလီ ‘မိစန္ဒီ’

ဒီတစ်လ Music Plus ကဏ္ဍမှာ ကလေးလည်းမက လူကြီးလည်း မကျနဲ့ ဖြူစင်ပွင့်လင်းပြီး ချစ်စရာအပြုံးလေးနဲ့ ‘ပျော်စရာကြီး’ ဆိုပြီး ‘လက်လက်ကိုထလို့’ ၊ ‘မိုနိုပိုလီ’ နဲ့ တစ်ကိုယ်တော်သမိုင်း ကို စတင်လိုက်တဲ့ အဆိုတော်မလေး ‘မိစန္ဒီ’ ရဲ့ ဂီတခြေလှမ်းတွေ အကြောင်း ရတီ စာဖတ် ပရိသတ်ကြီး အတွက် တင်ဆက်ပေးလိုက်ပါတယ်။

မိစန္ဒီ ဂီတရဲ့လမ်းမပေါ် ခြေချဖြစ်ခဲ့ပုံလေး က
သမီးတို့ ဂီတကိုစဖြစ်ခဲ့တာက Underground ကစခဲ့တာပါ၊ ion line မှာ သီချင်းတွေတင်တယ်၊ ရှိုးပွဲတွေမှာ အခွေကြမ်းတွေ လိုက်ဝေတယ်။ အဖေနဲ့ ကိုဘိုစန်းနဲ့ကလည်း ခင်နေတော့ ရှိုးပွဲ ကြီးတွေမှာ အဆိုတော် ကြီးတွေမဆိုခင် ရှေ့က မိုက်စမ်းပေါ့ ဆိုခွင့်ရတယ်။ နောက် ကိုစိုးကြီးတို့နဲ့ ပေါင်းပြီး Hip Hop Family ဆိုပြီး အဖွဲ့လေးဖွဲ့တယ်။ Underground အခွေလေးကို ဖြန့်ခဲ့တယ်။ အခွေသုံးထောင်လောက် ဖြန့်ဖြစ်ခဲ့တယ်။ ၂ဝဝ၉- ၂ဝ၁ဝ လောက်မှာ ကိုစိုင်းစိုင်းနဲ့ ဘိုဘို အင်တာတိန်းမန့် တို့ပေါင်းပြီး Underground က ကလေးတွေကို မြေတောင်မြှောက်ပေးမယ် ဆိုပြီး သီချင်းတွေ တောင်းတယ်၊ ပို့တဲ့သူတွေက အများကြီးပဲ။ သီချင်းအပုဒ် ၆ဝဝ လောက်ထဲက အပုဒ် ၃ဝ ရွေးတယ်။ အဲဒီထဲမှာ သမီးဆိုတာ ၂ ပုဒ်ပါတယ်။ ပျော်စရာကြီး ကနေပြီး ဒီဂီတလမ်းမပေါ် ရောက်လာခဲ့ကြတာ။
သီချင်းလေးတွေ ရင်ထဲမှာ သန္ဓေတည်ခဲ့ရ တာနဲ့ ပတ်သက်ပြီး
သမီးရယ် သက်သခင်ရယ် ငယ်ငယ်တုန်းက ရူးသွပ်ခဲ့ဖူးတယ်။ ၆ တန်းလောက်တုန်းက အက်စစ်ကလည်း ထွက်ပြီးကာစဆိုတော့ သမီးတို့ ကလည်း  Weather ဆိုပြီး ဖွဲ့လိုက်တယ်။ ကြီးတဲ့ အခါ သီချင်းဆိုကြမယ်ပေါ့။ ၁ဝ တန်းပြီးတော့ သက်သခင်က သီချင်းဆိုကြမယ်ဆိုတော့ ဆိုဖို့ စီစဉ်ကြတယ်။ ညီမက မယ်လိုဒီကို ရေးတယ်။ ရက်ပင်ကို ချမ်းအေးဝင်းက ရေးပေးတယ်။ သီချင်းကို စလုပ်မယ်ဆိုတော့ သက်သခင်က   မော်ဒယ် စလုပ်နေပြီ မအားတော့ဘူး။ အဲဒါနဲ့ သမီး တစ်ယောက်တည်းပဲ လုပ်ဖြစ်သွားတာ။  ဒီလမ်းကို စပြီးမှတော့ ဖြစ်အောင်လုပ်မယ်ဆိုပြီး ပိုးကလည်း ငယ်ငယ်ကတည်းက ရှိနေတော့ ရပ်လို့မရတော့ဘူး၊ ဆက်လုပ်ဖြစ် သွားတာ။
သီချင်းရေးသားခြင်းနှင့် သီဆိုမှုအပေါ်
သမီးဆိုခဲ့တဲ့ သီချင်းတွေကိုတော့ အစပိုင်း မှာ ဘန်နီဖြိုးက ရေးပေးတယ်၊ နောက်ပိုင်းအခွေ တွေမှာတော့ သမီးကိုယ်တိုင်ပဲ ရေးဖြစ်တာ များတယ်။ ၉၉.၉ တို့၊ အဝေးကတို့ဆိုလည်း သမီး ကိုယ်တိုင်ပဲ ရေးခဲ့တာ ပရိသတ် ကလည်း အား ပေးကြပါတယ်။ ဂီတနဲ့ပတ်သက်ရင်လည်း ဘယ် ဂီတမဆို သမီး လေ့လာတယ်၊ မြန်မာသံဆိုလည်း ကြိုက်တယ်။ ဂီတကို ရူးသွပ်စွာနဲ့ အမျိုးမျိုးကြိုးစား ခဲ့တာ၊ အရင်က အတွဲခွေတွေ အများကြီး ဆိုခဲ့ တယ်။ ခုတစ်ကိုယ်တော်ခွေ ကျတော့ ပရိသတ် အားလုံးအတွက် ကိုယ်ချပြချင်တာတွေ ချပြလို့ရ တယ်။ အများနဲ့ လုပ်ရတာတွေက ဆိုသင့်လို့ ဆိုလိုက်ရတဲ့ သီချင်းတွေလည်း ရှိတယ်။ ကိုယ့် အခွေကျတော့ ကိုယ် ကြိုက်တဲ့ မြူးစစ်ကို စိတ် ကြိုက်ဖန်တီးလို့ ရတယ်။ သီချင်းကို စိတ်ကြိုက် ဖန်တီးလို့ရတယ်။ ကိုယ့်အတွက် ကောင်းသော သမိုင်းတစ်ခုကို ရေးချင်တဲ့ဆန္ဒလည်း ရှိတာနဲ့ တစ်ကိုယ်တော်ခွေထွက်ဖြစ်ခဲ့တာ၊ သမီးရဲ့အခွေ မှာ တေးရေးတွေက ဦးရွှေဂျော်ဂျော်၊ ရဲလေး၊ ရသ၊ ကိုစိုးကြီး၊ ဦးစိုးလင်းနဲ့ ညီမကိုယ်တိုင် ၅ ပုဒ်ဝင်ရေးထားတယ်၊ အတီးအနေနဲ့က KGK ၊ ဇေထူးအောင်၊ ကိုလွှမ်းပိုင်၊ Ride D ၊ ကိုမိုးမိုး ပါတယ်။ စတူဒီယိုက စွမ်း၊ ဒွင်း၊ ဟိုက် ဘတ်မှာ သွင်းခဲ့တယ်၊  VCD ကတော့ ရိုက်ထားတယ်။ ဒါရိုက်တာ ကိုဝင်းလွင်ထက်၊ ကိုအောင်၊ ကိုဝီရ တို့နဲ့ ရိုက်ထားတယ်၊ သရုပ်ဆောင်တွေကတော့  သမီးနဲ့အတူ ကိုရဲလေး၊ ကောင်းပြည့်၊ မြတ်သူ ကျော်၊ ဆန်းတိုးနိုင်၊ ဘိုဘို၊ မိုးခန့်ရှိုင်း၊ သိန်းလင်း စိုး၊ ကွတ်တီ၊ စန္ဒီမြင့်လွင်၊ နန်းမြတ်ဖြိုးသင်း၊ နေခြည်လင်းလဲ့ အားလုံးဝိုင်းရိုက် ပေးထားကြတယ်။

 VCD အပြင် သီးခြားရိုက်ကူးမှုအနေနဲ့က
သူငယ်ချင်းတွေ အကူအညီတောင်းတဲ့အခါ ရိုက်ပေးဖြစ်တယ်။ ကြော်ငြာလေးတွေလည်း ရိုက်ပေးဖြစ်တယ်။ MB ဘီစကစ်၊ ကော်ဖီကြော်ငြာ၊ ဘေဘုတ်အနေနဲ့က အင်္ကျီကြော်ငြာ၊ နောက် အအေး၊ ရေခဲမုန့်၊ အဲဒီကြော်ငြာ   တွေတော့ ရိုက် ဖြစ်တယ်။

ပရိသတ်ရင်ထဲ အရောက်ခဲ့ရဆုံး သီချင်း
ကိုယ့်ရဲ့ သက်တံငယ် သီချင်းပါ။ ချိုချိုနုနု သီချင်းတွေတော့ မကြိုက်ဘူး၊ သီချင်း စအပ်ကတည်းက သေသေချာချာ ပြောအပ်တယ်။ တေးရေးတွေကလည်း သမီးအထာကို သိပြီး သားဆိုတော့ သီချင်းရလို့ ဆိုလိုက်ရင် ကွက်တိပဲ။ VCD ရိုက်တော့လည်း သမီးကြိုက်တဲ့ Story ကို ပြောပြတယ်။ ဒါရိုက်တာတွေက အဲဒီအပေါ်မှာ ပိုကောင်းသွားအောင် စဉ်းစားပြီး ရိုက်ပေးကြတာ။

တစ်ကိုယ်တော်အခွေ ဖန်တီးမှုအပေါ် ဖြတ်ကျော်ရတဲ့ အခက်အခဲ
တစ်ကိုယ်တော် အခွေအတွက် ရုန်းကန် ကျော်ဖြတ်ရတာတွေလည်း အများကြီးပါ။ အတွဲ ခွေတွေတုန်းက ကိုယ့်မှာ ဘာတာဝန်မှ မရှိဘူး၊ သီချင်းလေးဆိုပြီး ပေးလိုက်ရုံပဲ။ ကိုယ်ပိုင်ခွေ ကျတော့ အသံသွင်း၊ ဆင်ဆာ တင်၊ ဘေဘုတ် ထောင်တာကအစ ကိုယ့်တာဝန်တွေပဲ ကျောင်းက လည်း တစ်ဖက်နဲ့ စိတ်ဖိစီးတဲ့ဒဏ်က ပြောမပြ တတ်အောင် ခံစားရတယ်။ အတွေ့အကြုံတော့ အများကြီးရတယ်။ ပရိသတ်ရဲ့ အားပေးမှုကိုလည်း   ကျေနပ်ပါတယ်။ VCD ကိုလည်း အကောင်းဆုံး ဖြစ်အောင် ကြိုးစားထားတယ်။ သမီးဆန္ဒအရတော့ မြို့ကြီးတွေတင်မကဘူး။ တောရွာအနှံ့ပါ ပြန့်စေချင်တာ အားလုံးကို နားထောင်စေချင်တာ။

Stage Show အတွေ့အကြုံနဲ့ ဂီတအတွက် မျှော်လင့်ထားတဲ့ အတိုင်းအတာ
ညီမက စင်ပေါ် တက်ခါနီးဆိုရင် သိပ် ကြောက်တာ၊ ပထမဆုံး ပွဲတုန်းကဆိုရင် ဒူးတွေတုန်ပြီး လက်နှစ်ဖက်နဲ့ဆွဲပြီး စင်ပေါ်တက်ခဲ့ရ တယ်။ အပေါ်လည်း ရောက်ရော ကြောက်စိတ်က လုံးဝမရှိတော့ဘူး၊ သွားလေးဖြဲပြီး သီချင်းဆိုပြ လိုက်တာပဲ၊ ဂီတနဲ့ပတ်သက်ပြီး ခံစားမှုကို ပြော ရရင် သီချင်းလေးတွေ ရေးနေရရင် ဆိုနေရရင် ပျော်ရွှင်ရတဲ့ ခံစားမှုက ဘာနဲ့မှ မတူဘူး၊ သီချင်းလေး တစ်ပုဒ်ရေးပြီးသွားရင် ဧဝရက်တောင်ထိပ်မှာ အလံ   လေး စိုက်လိုက်ရသလိုမျိုးကို ခံစားရတာ။ သမီးဖန်တီးတဲ့ သီချင်းကို ပရိသတ်တွေ အားပေး တယ်ဆိုရင် သိပ်ပျော်တယ်။ သမီးက နာမည်ကြီး ချင်လို့လည်း မဟုတ်ဘူး။ မိစန္ဒီကို မသိရင်တောင် မိစန္ဒီသီချင်းတွေက ပရိသတ်တွေရင်ထဲမှာ ရှိနေ ရင် သမီးပျော်ပါတယ်။ ဂီတကိုလည်း သမီး အသက်ကြီးတဲ့အထိ ဆက်လုပ်သွားမှာ။ အခွေ မထုတ်တော့ရင်တောင် သမီးဟာသမီး အသံလေး သွင်းပြီး နားထောင်နေမှာ။

မိစန္ဒီရဲ့ Style အနေနဲ့ ပတ်သက်ပြီး
Style အနေနဲ့ပြောရရင် မိစန္ဒီက မိန်းမ သိပ်မဆန်ဘူး၊ ပွင့်ပွင့်လင်းလင်း နေတတ်တယ်။ မိန်းမပုံစံထက် ရိုးသားပွင့်လင်းတဲ့ ပုံစံတစ်ခုအနေ နဲ Style တစ်ခုအနေနဲ့ ပေးစွမ်းမှာပါ။

မိစန္ဒီရဲ့ သီချင်းတွေ သွားရင်းလာရင်း ပြန်ကြားရတဲ့အခါ
ပျော်လည်း ပျော်တယ်၊ ရှက်လည်း ရှက်တယ်၊ တချို့ဆိုင်တွေဆို ကိုယ်လာမှ ကိုယ့်သီချင်း ကောက်ဖွင့်လိုက်တာ ကိုယ်က ဘယ်နားနေလို့ နေရမှန်း မသိဘူး၊ ရှက်လိုက်တာ။ ဒါပေမဲ့ သမီး ပျော်ပါတယ်။

အားပေးနေတဲ့ ပရိသတ်ကြီးအတွက်
ပရိသတ်ကြီးကို သိစေချင်တာက သမီးက ဂီတကို ရူးသွပ်စွာနဲ့ လုပ်နေတာပါ၊ ပရိသတ်ကို လည်း ဂီတနဲ့အလုပ်အကျွေးပြုချင်တာပါ၊ ကြော်ငြာရိုက်တာတို့ သီချင်းရိုက်တာတို့တွေမှာ အားနည်းချက်များ ရှိခဲ့ရင် ဖြည့်စွက် ပြီး ကြည့်ပေး ကြပါလို့၊ သီချင်းနဲ့ပတ်သက်တဲ့ အရည်အသွေး ဒီ့ထက်မကပိုပြီး မြင့်မားအောင်၊ နောက် VCD မှာလည်း လူအား၊ အချိန်အား၊ ငွေအင်အားစိုက် ပြီး အရာရာကို တိတိကျကျနဲ့ ပရိသတ်အတွက် ၁၄ပုဒ် စလုံးကို တစ်ပုဒ်ချင်းအလိုက် ကောင်း အောင် ရိုက်ကူးထားပါတယ်။ မိစန္ဒီစေတနာလေး တွေ တန်ပြန်သက်ရောက်မယ်လို့လည်း ယုံကြည်ထားပါတယ်။ အားပေးကြပါ၊ နေ့တိုင်းလည်း မေတ္တာပို့သပါတယ်၊ အားလုံး
ပျော်ရွှင်နိုင်ပါစေလို့ …
ယုယအိမ်
ဓာတ်ပုံ-ကိုနိုင် (ပေါ်ပြူလာ)